منتدى التربية المسرحية
منتدى الذوق الرفيع يدعوك ان تكون ضمن اسرتنا وشارك معنا كى نتعلم منك *فى الشعر *والمسرح والادب واهلا بك


لاخصائى التربية المسرحية بادارة قطور التعليمية وكل من يحب المسرح
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول
استغفر الله العظيم من كل ذنب اذنــبــــتـــه و من كل فرض تركـــــتــه و من كل انسان ظلـمـتــــه , أستغفر الله العظيم الذي لا إله الا هو الحي القيوم وأتوب إليه
تنوية : الاعضاء الذين لم يستطيعوا تفعيل عضويتهم  سيتم تفعيل العضوية من المنتدى مباشرة وما عليك الا الدخول بالاسم والباسورد الخاص بك. مع تحيات الادارة ونرحب بكل اقتراحاتكم للنهضة بالمنتدى  **** ترحب ادارة المنتدى بكل الاعضاء الجدد الذين اشتركوا معنا وادارة المنتدى على اتم الاستعداد للرد والمشاركة فى اى موضوع  او استفساريخص المسرح


شاطر | 
 

 روائع الشاعر محمد جوده

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
صلاح
Admin
avatar

عدد المساهمات : 436
نقاط : 1001
تاريخ التسجيل : 07/11/2009

مُساهمةموضوع: روائع الشاعر محمد جوده   الثلاثاء يناير 05, 2010 6:13 pm

ضحِّيتي بمين

علشان تعملي تاج راسك مين

وغدرتي بمين

علشان تعملى حراسك مين

يامُ البساتين كت حلوه ونِفسها تطرَح فضَّه ليوم الدين

راح فين الخير والنيل والطير وصلاح الدين

ضحِّيتي بمين

علشان تعملى تاج راسك مين

ضحيتي ب عود؟؟

مِن خير جنود؟؟

الحب ف قلبه ملُهش حدود

كان واقف لجل عينيكي السود

صايم وضميرك كان فاطر

سليمان خاطر

قلب ميعرفش يكون مسجون

ف بلاده وطايح فيها الدُون

قاموا قالوا عليه راجل مجنون

قَتَل المَخَاليق الشِّريرَه

اللى بيشربوا مَيِّة نيلنا

وبيصبوا ف مصارينا البيره

قاموا زعلوا الناس السَّكِيره

اللى عشان كاس

بيهِينُوا الناس

ويبيعوا الأُمَّه بتَعمِيرَه

لابسين لِعدَانا قميص النوم

وعلينا الشََّنَبَات العِيرَه

يا صباح مجروح

عزَّام هيروح للأهل

وهنا سليمان مدبوح

قَتَلُوه يَمَّه

صابِح مشنوق مِدَّلدِل فوق

والأُمه المِدَّلدِلَه من تحت

مِن كُتر المشي ف ضِل الحيطَه وكُتر الكَحت

كتبها محمد جودة ، في 7 يناير 2009 الساعة: 18:51 م

علِّي حيطان السجن يا سجَّان
واخنق خيوط الفجر سِد البيبان
القمح طالع ف الغيطان قناديل
بيشُق قلب الليل ويِزعَق أدان
ضَيَّق على قَلمِي وعلي فِكرتي
واُمكر ودبَّر لِيَّا ولأُمتي
إنتَ اللى زايل
والزمان دوَّار
وتعيش على مر الزمان كلمتي
إلهب بظُلمَك ضهر كل الناس
وإسقي الغلابه من مرار الكاس
زوِّد جُنودك واُبدُر الحُرَّاس


فين انتوا
كتبها محمد جودة ، في 7 يناير 2009 الساعة: 18:10 م
طالع غبار المدينه
ساخن وداخن ومتّلون بلون الدم
فايح بريحه المجزره الدايره علي اخواتي
دبلان علي كفوفه الحمام
دبلانه انفاس الأحبه
دبلانه يا ريحه الورود بين البارود
احكيلي ياسرب الحمام
مات النهارده كام وفاضل كام
وانا م اللي ماتوا ولا انا لسّا
انا أصلي لا ميت ولا عايش
ولا ضارب ولا حايش
وانا الغلطان وانا اللي اتلام
انا اللي وقفت ف الأخر
وانا اللي فضلت اتاخر
وسبت البياعين قدام
وعشت العمر مدّاري
ولا بايع ولا شاري
انا عاري

لاعارف البس النسيان مع النسيّن
ولا عارف اداري سوئتي بنكم
انا منكم
ويا رتني ما كنت ولا انكتب اسمي
مدام مدبوح قصاد عيني وانا ساكت
وبيّاعك بقا المتحدث الرسمي
وانا الغلطان
انا اللي فضلت منتظر
ه
واقول مطّر له عذره
وبارت أرضي قدّامي
وانا باسقي ف اوهامي
واقول ممكن يطيب بذره
لحد سحابه الأوهام ما مطرت زلّ
وكف الغدر قام يحصد ف شجر الفل
عرّتنا
وشفتك وانا لاقادر تغّطّين
ا
ولا من برد غربتنا ف أوطنّا تدفّينا
عرفت بإنّها أدوار
ودورك بس ترميهم
ف قلب النار
وتدّور علي الأحرار ف أوطانك
وكل اللي يحب النور
ويحلم بالصباح خانك
الصوره
كتبها محمد جودة ، في 24 نوفمبر 2008 الساعة: 19:59 م
الصوره
الصوره صورة مدينه
جُرحها فوَّاح
وعيون بتبكي حزينه دم ع اللى راح
صوَّر يا شاعر ودوَّر ع الكلام اللى يوجع
يمكن يفكَّر أخوك ويحن ليك يرجع
صوَّر جموعنا ودموعنا ودمِّنا و البُوم
وابعت بقا للحكومه نسخه م الألبوم
وابعت لأمة نبينا الغرقانين ف النوم
واسألها يا أمتي
لسه مجاش اليوم؟؟
لو كل ظالم ركب على ضهرك العريان
تديلو قوت العيال وتعمليه سلطان؟؟
تبقى إنتى لا أُمتى ولا تِبقيليش أوطان
إتنين وعشرين دوله ساكن فيها كام مليون
وإتنين وعشرين قصر ساكن قلبهم بدران
سايق عليهم كلاب القصر بالنبابيت
والأمه ملهاش عزا غير البُكا والصويت
متفوقى يا أُمه
لا هُمَّه هينهضوا بيكي
ولا هيسيبوكي تنهضي أصلا


هنتكلم
كتبها محمد جودة ، في 19 نوفمبر 2008 الساعة: 18:23 م

محررناش..لكن قولنا
محررناش.. لكن جينا
وحبينا وصلينا وناجينا
وكان الحلم ف قلوبنا نحررها وبإيدينا..
محررناش
لكن بكره اللى جاى بيقول
هتتحرر
أكيد الناس هيجي اليوم
وتتغير
وأتمني يكون بالكلمه مش بالسيف
صحيح اليأس أحيانا بيندهنا
يا ناس العتمه مجنونه
لكن بالصدق هنكمل
مادام الكلمه مسنونه
هتقطع فى ضلا
بنموت وبتعيشوا
كتبها محمد جودة ، في 10 نوفمبر 2008 الساعة: 21:15 م
بنموت وبتعيشوا
واحنافين وانتوا فين
إنتوا الوطن سكنكوا ننى العين
لما العدو حاحصركوا بجيوشو
واحنا الجيوش عندنا
بيجاهدوا بالألسنة
ويهدوا ويحوشوا
بنموت وبتعيشوا …..
ياأم الشهيد تسلم لنا بطنك
ولادة العشاق
إوعى يشوفوا الدمع على خدك
دانتوا اللى زارعين القمر أشواق
يا اللى قتلتوا الطلقه بصدوركوا
يا اللى زرعتو الرعب فى قلوب اللى حاصدينكوا
تسلم ايديكيم ياللى مديتم ايديكم للسما
تسلم عينيكم
ياللى حطيتو الوطن فى عينيكوا
خطِّي
كتبها محمد جودة ، في 10 نوفمبر 2008 الساعة: 21:12 م
خطوه وتبقى هناك ملاك

لحظه وتنفك الشٍباك و تطير
ياللى إنتا فى وسط السطور الهس زعقه
ياللى إنتا فى وسط الوشوش اللى إنطبع ع الارض منظرها
فارد عيونك للسما
دق السما دقه
ياللى إنتا شايف جنتك خطى الأرض بتبوس خطوتك
~~~~~~~~~~~~~~~
يا مجمعنكم من هنا وهناك
يا واقفين طول عمركم ع الباب
متغمى شايف أرضكم مجروحة ف سرير الجبان
يا مفتحين
بصوا من الخرم اللى طول عمرة ملوش مفتاح
شوفوا الجراح
يا مرعوبين من كل مولود ف الضلام
يا معشرين م السكات يا مطبعين ع اللجام
لو تحبلوا واحد كلام
رح تبقوا شئ يا ألف صفر…. واحد
يا وا



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mazroo.ba7r.org
 
روائع الشاعر محمد جوده
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى التربية المسرحية :: قــســم الـشــــــعــــر-
انتقل الى: