منتدى التربية المسرحية
منتدى الذوق الرفيع يدعوك ان تكون ضمن اسرتنا وشارك معنا كى نتعلم منك *فى الشعر *والمسرح والادب واهلا بك


لاخصائى التربية المسرحية بادارة قطور التعليمية وكل من يحب المسرح
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول
استغفر الله العظيم من كل ذنب اذنــبــــتـــه و من كل فرض تركـــــتــه و من كل انسان ظلـمـتــــه , أستغفر الله العظيم الذي لا إله الا هو الحي القيوم وأتوب إليه
تنوية : الاعضاء الذين لم يستطيعوا تفعيل عضويتهم  سيتم تفعيل العضوية من المنتدى مباشرة وما عليك الا الدخول بالاسم والباسورد الخاص بك. مع تحيات الادارة ونرحب بكل اقتراحاتكم للنهضة بالمنتدى  **** ترحب ادارة المنتدى بكل الاعضاء الجدد الذين اشتركوا معنا وادارة المنتدى على اتم الاستعداد للرد والمشاركة فى اى موضوع  او استفساريخص المسرح


شاطر | 
 

 3 قصائد بالعامية للشاعرة حنان فاروق

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
صلاح
Admin
avatar

عدد المساهمات : 436
نقاط : 1001
تاريخ التسجيل : 07/11/2009

مُساهمةموضوع: 3 قصائد بالعامية للشاعرة حنان فاروق   السبت مارس 20, 2010 9:03 am

ادبحونا
غرقوا الأرض بدمانا
ألف عفريت بكره يمسك فى رقابيكم
قطّعونا..
عذّبونا..
عمركم ماحتشترونا..
الدراع اللى يحابيكم..
موش بتاعنا..
ده انكسار في النفس باعنا..
وطّا لتراب الفلوس
قال يعلمنا نبوس..
الإيدين الموش نضيفه..
الخفيفة..
اللى فى السرقة وكار النشل أُسْطَى....
متحاولش..
رغم كل الهم مااحناش م الغلابه..
واللا حيطه واطية يركبها الديابه..
الخيابة..
في اللي مايفهم تاريخنا..
أو يشوف إيه آخرةِ الصبر المسوّينا وطابخنا..
راح نقولّه..
الحروف مرصوصه تهتف

**********
أنا مسافرة
أنا مسافرة
ماتسألونيش عن الرحلة..
ماهيش سهلة..
تعود الناس لأوطانها..
تطير طيران من الفرحة
وانا بين الوطن والقلب أرض تصيح مانيش طارحة..
وأطرح ليه..
وانا تايهة من الأحلام …
وأفرح ليه
وانا عايشة على الأوهام..
دموع أمي ..
تقطعنى..
توزعني على الأيام..
وكل دقيقة تاخد حتة من روحي..
وتزرع دمعة فى جروحي..
وتطرحني..
شجر آلام..
فاضللي إيه غير الغربة..
على الغربة..
وارفرف ليه..
ماهي الصحبة..
نَسِتْ صاحبة..
فى أيامها اللى بتلوّح من الماضي
نسيتها بعيد فى دنيتها..
تنوح بس ع الفاضي..
خلاص ياعيون بتستنا..
ماتستنيش
أنا موش بنت عنواني
مابيشوفنيش..
وقولى ازاي حتفتكرينى وإنتى خلاص
ماتعرفنيش..

********
موال وألف سؤال
فى الغربة ميت موال..
وعنيكى والترحال..
تنطق بألف سؤال..
والبسمة مجروحة..
**********

فى الغربة ميت موال يشق البال ويتغرب..
وعنيكى والترحال على دى الحال بتتهرب..
تنطق بألف سؤال من الأهوال بتتشرب..
والبسمة مجروحة ومدبوحة على قلبي
**********
فى الغربة ميت موال يشق البال ويتغرب فى بحر الهم..
وعنيكى والترحال على دى الحال بتتهرب ولا بتضم..
تنطق بألف سؤال من الأهوال بتتشرب وتبكى دم..
والبسمة مجروحة ومدبوحة على قلبي تقول ياهووووووه
***********
بيتولد م الحزن ويا الخوف صراخ نبضي
ينادى ع الأحلام ويسأل ليه مابتعدي؟؟؟
ياقلب يامسكين تعالى عيش على أرضي
يمكن تلاقى أمان..وضل حنان على يدي
**********
الحلوة بضفيرتين يطولوا الشمس كل نهار..
ويبوسوا وش البدر لما يطل ليل دوار..
تنده على المحتار وع اللى عاش فى قلب النار..
تعبت.. بيكَفّيك ..تعالى عود لحضن الدار
**********
فى الغربة ميت موال.وأنا شيال همومي شيل
وعنيكى والترحال..دموع شلال تهد الحيل
تنطق بألف سؤال..حروفها تدوب فى قلب الويل
والبسمة مجروحة.. نناديها ف ظلام الليل
**********
فى الغربة ميت موال وانا شيال همومي شيل ..ماتنحطش
وعنيكى والترحال دموع شلال تهد الحيل..ماتنهدش
تنطق بألف سؤال حروفها تدوب فى قلب الويل..ماتتلمش
والبسمة مجروحة..نناديها ف ظلام الليل..وماتردش




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mazroo.ba7r.org
 
3 قصائد بالعامية للشاعرة حنان فاروق
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى التربية المسرحية :: قــســم الـشــــــعــــر-
انتقل الى: