منتدى التربية المسرحية
منتدى الذوق الرفيع يدعوك ان تكون ضمن اسرتنا وشارك معنا كى نتعلم منك *فى الشعر *والمسرح والادب واهلا بك


لاخصائى التربية المسرحية بادارة قطور التعليمية وكل من يحب المسرح
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول
استغفر الله العظيم من كل ذنب اذنــبــــتـــه و من كل فرض تركـــــتــه و من كل انسان ظلـمـتــــه , أستغفر الله العظيم الذي لا إله الا هو الحي القيوم وأتوب إليه
تنوية : الاعضاء الذين لم يستطيعوا تفعيل عضويتهم  سيتم تفعيل العضوية من المنتدى مباشرة وما عليك الا الدخول بالاسم والباسورد الخاص بك. مع تحيات الادارة ونرحب بكل اقتراحاتكم للنهضة بالمنتدى  **** ترحب ادارة المنتدى بكل الاعضاء الجدد الذين اشتركوا معنا وادارة المنتدى على اتم الاستعداد للرد والمشاركة فى اى موضوع  او استفساريخص المسرح


شاطر | 
 

 مسرحية على القهوة...تأليف وأعداد وحوار أ/ أسماء الجمل فنون 2011

اذهب الى الأسفل 
كاتب الموضوعرسالة
أسماء الجمل

avatar

عدد المساهمات : 74
نقاط : 106
تاريخ التسجيل : 17/11/2009
الموقع : http://algaml.ahlamontada.net/

مُساهمةموضوع: مسرحية على القهوة...تأليف وأعداد وحوار أ/ أسماء الجمل فنون 2011   الإثنين ديسمبر 03, 2012 5:29 pm

مسرحية (على القهوة)



مشهد (اول )






يظهر اثنان على القهوة يتبادلان
الحديث بينما يقدم لهم عوكشة الشاى



عوض:- :- أسكت اما انا حصلى حته
موقف امبارح



سيد:-:- خير يارب
........احكيلى



عوض:- :- امبارح طبعا كان يوم
القبض رحت ياسيدى قبضت المرتب وانا دماغى شغال حسابات



سيد:-:- اه والله على قولك



عوض:- :- قعدت بقى احسب واوزع
الحسبة اشى كهرباء واشى ايجار واشى اقساط واشى ميه .......وغيره وغيره زى مانت
عارف



سيد:-:- ايوه ايوه الهم طايلنى
وطايلك ...الواحد عامل زى البوسطجى بس مش بيوصل جوابات داحنا بنوصل الفلوس
لاصحابها



عوض:- :- عارف انا بقعد من بعد
يوم اتناشر كدا ولا خمستاشر استلف



سيد:-:- ومين سمعك..........يلا
اهى ماشية بالستر....كمل الحكاية كمل



عوض:- :- المهم ياسيدى ...بعد
ما قبضت ركبت الاتوبيس كالعادة



سيد:- انت اهبل ؟!!!تركب
الاتوبيس وانت لسه قابض المرتب



عوض:- انا قلت اوفر تمن التاكسى اصل عليا ديون متلتلة.....بس
ايه كنت حاطط ايدى على الفلوس فى جيبى كانها عيل من عيالى



سيد:- ها...وبعدين كمل



عوض:- انا جايلك فى الكلام اهوه...وانا واقف كدا وواخد
احتياطى كويس حسيت ان الراجل الى واقف واريا مش طبيعى



سيد:- ازاى يعنى؟



عوض:- كل شوية يتسند عليا يقرب منى ولما ابعد عنه
الاقيه ورايا ...قلت وبعدين بقى فى اليوم الى مش باين دا



سيد:- اكيد ناويلك على حاجة
وبيخططلك



عوض:- انا قلت كدا برضه والى اكد لى انى كل لما ابوصله
يعمل نفسه مش واخد باله ويودى وشه الناحية التانية



سيد:- طب ايه الحصل واتصرفت
ازاى؟



عوض:- بس ياسيدى على فجاة لاقيتة حط ايده على جيبى بس
طبعا كانت ايدى عليه فقمت مسكة وفين يوجعك والناس تحوش فيا وانا لايمكن ابدا



سيد:- والله يستاهل دا كان عاوز
يسرقك وتشحت باقى الشهر هههههههههههههههه



عوض:- استنى بقى اما اكملك



بائع الجرائد: اهرام –اخبار –جمهورية
اقرا اخر الاخبار



عوض:- وبعدين بقى قمت....يقاطعة سيد:-



سيد:- استنى متكملش لما نجيب الجرنان انت يابنى ...انت
يا بتاع الجرايد



عوض:- ياعم
جرنان ايه وكلام فارغ ايه



بياع الجرايد:- نعمين يا بيه عاوز جرنان ايه؟



سيد:- هات الجمهورية
خلينا نشوف الدنيا فيها ايه؟



بياع الجرائد:- اتفضل يا باشا



سيد:- باشا هاهاهاهاى...دى احلى نكتة خد الفلوس خد



عوض:- ياعم كنت
وفرت فلوسك احسن من الكلام الفاضى دا



سيد:- ياسيدى اهو نعرف الاخبار ونحلى مرار الايام



عوض:- ولا حاجة بتحليها ...اهى ايام وبنعديها



سيد:- "يتصفح الجريدة" شوفت دى بقى بيقولك فى الصفحة الاولى ان
الجمهورية اكتشفت اخيرا سبب حريق ارشيف الجريدة والذى كان يضم الاعداد النادرة
ليها



عوض:- حلوة
دى...اكتشفت...أمال كان بيقولك الارشيف متأمن كويس ...وكلة تمام التمام ....ليه؟



سيد:- عادى يابنى خد من دا واشرب



عوض:- "يرتشف من كوب الشاى" ها ...ومين بقى
سبب النصيبة دى؟!!!!!!



سيد:- بيقولوا ياسيدى ان شوية عيال كانوا بيلعبوا بالبمب
فى الشارع وحدفوا كام واحدة فى الشباك بتاع الارشيف



"فى هذه الاثناء يوجد رجل يرتدى زى الدراويش ويبخر
القهوة ويتمتم ببعض الكلمات"



عوض:- بس انا
كنت سمعت ان الارشيف كان فيه شوية مستندات فوللى هيظبطوا ولاد الترللى



سيد:- تقصد ايه يا عمنا؟



عوض:- م الاخر
موضوع البمب ده مش داخل نفوخى....



سيد:- المهم ان الجمهورية تنكر مسئوليتها عن الواقعة



عوض:- تنكر.....هاهاى سلملى ع التروماى.....انت يا
ابنى"ينادى على عوكشة"



عوكشة:- ايوه جااااااااااى ....نعمين يا بيه ؟



عوض:- هات اتنين
قهوة خلينا نحرق فى دمنا اكتر ماهو محروق وخلى بتعتى سادة



عوكشة :- وقهوتك يا يا بيه سادة برضه



سيد:- لا يابنى انا ناقص هاتها مظبوط



عوكشة: وعندك قهوة حرق دم والتانية مظبوط وايفهاااااااا



عوض:- الواحد مش
عارف هيلاقيها منين ولا منين



"يظهر شحات على القهوة"



الشحات:- لله........لله يامحسنين لله



سيد:- اهى بدأت تمطر اهيه



الشحات:- "مخاطب عوض:- " حسنة يابية ربنا
يفتحها عليك اكتر واكتر



عوض:- هاهاهاى.......هتتفتح اكتر من كدا ؟هجيب منين
ياريتها تتسد شوية عشان تقضى ونكمل المشوار



الشحات :- "مخاطب سيد:-" حسنة يابية.....حاجة
لله



سيد:- معكش انت حاجة لوجه الله



الشحات :- ادونى اى حاجة ربنا يكرمكم



عوض:- الا قولى
ياعم ممكن اسألك سؤال



الشحات :- انا تحت امرك يا باشا



سيد:- يادى باشا ايه موضوع الكلمة المنتشرة اليومين دول
دى؟



عوض:- اسكت انت
...متتكلمش فى السياسة"ثم يخاطب الشحات" قولى بقى هو انت بتاكل لحمة؟



الشحات :-"ينظر باستغراب" ....هو فى ايه يا
بيه؟



سيد:- مالك خايف كدا ليه ....؟



عوض:- دا سؤال
برئ عاوز بس اعرف



الشحات :- اه يابيه بناكل اللحمة....هو...هو ...انتوا
هتعزمونى على لحمة؟



عوض:- وسيد:- هاهاهاهاهاهاهاهاه........اعزمنا انت



الشحات:- ايه يا افندية هو انتوا موقفينى عشان تتريقوا
عليا ولا ايه؟؟!!



سيد:- حاشا لله منقصدش والله



عوض:- طب سؤال
اخير



الشحات:- ياعم سؤال ايه لو هتدينى الحسنه ايهالى وخلينى
اوح اشوف حالى



عوض:- هديك
هديك.....بس جاوبنى الله يخليك



الشحات:- ماشى....قول يابيه



عوض:- بصراحة
كدا وبينى وبينك هى يوميتك كام؟



الشحات :- "غاضبا" اييييييييييييه؟ ياساتر
يارب هتبصولى فى اكل عيش .......اعوذ بالله "ويمشى وهو يتمتم" خمسة
وخميسة مش عاوز منكم حاجة قل اعوذ برب
الفلق "يرحل"



عوض:- يا خسارة
مشى قبل ما استلف منه



عوكشة :- القهوة يا بهوات



سيد:- تشكر......عجبى.......على الدنيا الا انت مكملتليش
حصل ايه فى الاتوبيس مع الحرامى



عوض:- اسكوت مش
الحرامى مطلعش حرامى



سيد:- يعنى ايه؟ فزورة دى؟



عوض:- ولا فزورة
ولا حاجة........الراجل ياسيدى كان بيتسند عليا عشان اعمى



سيد:- اعمى ..!!! يا خبر ابيض يعنى لا شاف حاجة ولا يعرف
عن الفلوس الى فى جيبك حاجة؟



عوض:- اه............تصدق دى؟هاهاه



سيد:- طب وبعدين؟



عوض:- ولا
قبلين....وانا نازل ضرب فى الراجل وهو يقول انا اعمى حرام عليك لقيت امة لا اله
الا الله فوقى



سيد:- ايه؟ ضربوك؟!



عوض:- هاهاه مش
ضرب قوى يعنى........دا دغدغونى وكسروا عضمى تقولشى قتلتلهم قتيل وبيفشوا غلهم فيا



سيد:- يا خبر ابيض....زعلتنى ياشيخ دا حتة موقف



عوض:- مش دا الى
قهرنى.....



سيد:- اهيه امال ايه ياعم الى مزعلك ان مكنش الضرب الى
انت كلتة يزعل؟



عوض:- اصلى لما ضربت الراجل اتلم عليا الناس بعد
ماروقونى....ودفعونى 00 1جنية رد شرف ليه



سيد:- ياااااااااااااااااه........ 100 جنية



عوض:- جنية يقهر جنيه



سيد:- دا انت كدا ضعت الشهر دا



عوض:- متفكرنيش
سيبنى ناسى ....احسن انا هتجنن



سيد:- ياعم...انسى
وسيبها على الله ...ضربوا الاعور على عينة قصدى ضربوا الى ضرب الاعمى على عينة ...



عوض:- قال اهى
خسرانة خسرانة



ويضحكون.........................









مشهد (ثانى)






"يرفع الستار على
رجل انيق جالس على القهوة ...ثم يدخل سيد:-"



سيد:- واد يا عوكشة انت ياله



عوكشة:- ايوه جاى ...نعمين يا بيه



سيد:- مين الراجل ااوبهه دا انا اول مرة اشوفة هنا



عوكشة:- والله
ياسى سيد البية كل فترة والتانية بيطب علينا هنا



سيد:- وايه الى يجيب الناس العلوى على القهوة الزبالة
دى"محدث نفسه"



عوكشة:- ايه بتقول حاجة ياسيد افندى؟



سيد:- بقولك هات كوباية شاى ...بلا نيلة



عوكشة :-وعندك كوباية شاى من غير نيلة للسيد افندى وصلحة



"يجلس سيد:- وهو يتأمل الراجل بإنبهار"



الراجل:- يا ولد



عوكشة:- يا صباح الورد ...يا صباح القشطة....امرنى يا
باشا



الرجل:- صباح خير
....هات فطار متين واتوصى كدا...ومتنساش كوباية الشاى باللبن



عوكشة:- علم وينفذ
يا باشا......تأمرنيش بحاجة تانية



الراجل:- يلا بسرعة عشان مستعجل



عوكشة:- وعندك فطار ملوكى
وكوباية شاى بحليب للباشا



سيد:- عجبى ...عليكى يا دنيا
الواد ناقص يرقصلة شوية "يخرج المحمول ويتصل ب عوض:- "



الووو...انت فين يا سيدى انا
قاعد على القهوة من الصبح طب بس متتأخرش"ييغلق الهاتف ويتأمل الراجل



عوكشة:- " ياتى بكوب اللبن
للرجل وصينية الافطار" اتفضل يا باشا بالهنا والشفا



الرجل:- شكرا شكرا



سيد:- عوكشة .....انت يا واد يا
عوكشة



عوكشة:- نعمين ........ايوه.......خير
يا سيد افندى



سيد:- انت مطنشنى على
الاخر.......وبعدين انا طالب قبله



عوكشة:- لامؤخذة يا سيد بيه انت
كنت طالب ايه



سيد:- كمان نسيت كوباية الشاى
....يا سلام على ايه كدا يعنى؟



عوكشة:- ابدا يابية دانا مقصدش
وبعدين الباشا بيسيب بقشيش بالهبل مش زى ناس



سيد:- تقصد ايه بقى؟



عوكشة مقصدشى ............استعجل
الشاى لسيد افندى وصلحة



عوض:- السلام عليكم



سيد:- وعليكم السلام
.....اتأخرت ليه يا عوض



عوض:- على ما خلصت طابور التموين يا ابنى
..........مانت عارف بقى



سيد:- شوفت القهوة بتاعتنا بقت
عالمية ازاى؟



عوض:- عالمية .....هاها



سيد:- اه...بص شوف البيه الى
قاعد هناك ده



عوض:- فين دا؟



سيد:- اهوه الى قاعد بيفطر هناك على الكراسى الى ورا



عوض:- "يتأمل الرجل....ثم فجأة يقف
ويصرخ"....يانهار اسود ومنيل



سيد:- مش منيل قوى يعنى هاهاها



عوض:- يا خبتى يا حسرتى " ويذهب ويمسك فى خناق
الرجل " اه يا حرامى يابن الحرامية ....فلوسى........فلوسى يا نصاب



سيد:-عوض ايه الى حصلك



عوكشة :- "يحاول الدفاع عن
الرجل" ايه يا عم انت سيب الباشا



عوض:- فلوسى....فلوسى يا نصاب يا حرامى



سيد:- اعقل ياعوض انت جارلك ايه



عوض:- مش هسيبه الا ما يجيب فلوسى ....هات الفلوس يا
حرامى



الرجل:- ايه ده؟ ايه الزبالة
دى؟ سيبنى



سيد:- سيبة يا عوض انت اتجننت



عوض:- مش سايبة ولا على جثتى عاوز فلوسى هات يا ابن
النصابة فلوسى



يحاول بائع الجرايد وعوكشة والسيد:-
التخليص بينهم"



الرجل سيبنى يا مجنون فلوس ايه
دى الى بتتكلم عنها سيبنى يا متسول



عوض:- انا متسول يا حرامى



سيد:- سيبة بقى يا عوض انت
اتجننت رسمى اهدا وبلاش ترمى بلاك على الناس



عوض:- فلوسى-حقى-كرامتى .........انا مش هسيبك



"يتم تخليصة منه ويذهب
الرجل"



سيد:- " اخذاً عوض الى
الطابيزة ويحاول تهدئتة " اهدأ انت بس اعصابك بايظة عشان الضغوط الى انت فيها



عوض:- اه يانا اه يا فلوسى عاوز حقى يا ناس يا ناس
ساعدونى ...مش انتوا عارفين حقى برضه...انا عاوز حقى كله...فلوسى اتسرقت وكرامتى
اتهانت وحقى ضايع وبيتهمونى بالجنون






سيد:- انا اول مرة
اشوف اعصابك منهارة بالشكل دا ...ياسيدى لو عشان الزنقة الى انت فيها هحاول اساعدك
بس اهدا وبلاش تظلم الناس



عوض:- انت مش عارف حاجة......مش عارف حاجة



سيد:- مش عارف ايه بس



عوض:- مش عارف ان الباشا هو الاعمى بتاع الاتوبيس



سيد:- يا خبر اسود
ومنيل..................الباشا حرامى



عوض:- ااااااااااااااااااااااااااااااااااااااااه



ااااااااااااااااااااااااااااااااااااااااااااااه



انتهى









مقاطع الدرويش( وضعتها منفرده لتوزيعها داخل المشاهد فى المسرحية على حسب رؤيه كل أخصائى)






مقطع1 الله حى
قول للظالم ما شئ دايم- - والى قايم بيصبح نايم الله حى حى



مقطع 2 يلا عقلك غاب وولى – هو انت بجبنك تتسلى



دا الى اداها ما بخل
يديها - - - وانت تقول دا خسارة فيها



مقطع3 قول للظالم ظالمك
جى - - - الله حى الله حى



والى ف ايدك هيخده
عبيدك - - - وانت هتفضل رايح جى



الله حى الله حى



اتنمى انها تعجبكم




مع ارق تحياتى لكل اخصائى
اومهتم بمنتدنا أو زائر عادى

أسماء الجمل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مسرحية على القهوة...تأليف وأعداد وحوار أ/ أسماء الجمل فنون 2011
الرجوع الى أعلى الصفحة 
صفحة 1 من اصل 1
 مواضيع مماثلة
-
» [مسميات] الاعضاء جناان 2011  
» أودى S8 2011 الجديدة كلياً
» حسام الرسام 2011 راحت امي
» حسام 2011 ورده
» حسام 2011 خضري خدك

صلاحيات هذا المنتدى:لاتستطيع الرد على المواضيع في هذا المنتدى
منتدى التربية المسرحية :: نصوص مسرحية-
انتقل الى: